刘德的英文名是什么啊？
发布网友
共1个回答
热心网友
劉德華（Andy Lau，1961年9月27號—），響返學嗰陣名叫劉福榮，海內外嘅華人普遍都鍾意叫佢做華仔或者華弟（弟讀似Dee），係歌手同埋電影演員。 目錄[展開] 1 星途 2 藝壇精神嘅延續 3 相關電影作品 4 相關歌曲大碟作品 5 外面嘅連結 [編輯] 星途 最初嘅劉德華，喺未正式參加無綫電視嘅藝員訓練班之前，已經喺其中一套劇集《第三類房客》度出現過，到咗正式喺訓練班訓畢業之後，就開始喺一啲劇集度做吓茄喱啡；喺一套由港星周潤發主演嘅電視劇集《蘇乞兒》裡面，華仔擔當配角所佔嘅戲份唔少，可以話哩個先係佢螢幕生涯嘅開始。 1982年，劉德華喺無綫電視電視劇《獵鷹》入面第一次擔任男主角，呢套劇令佢一炮而紅；當時劇中嘅媽媽係由歌手兼藝人葉德嫻飾演，因為佢哋嘅合作演出令人印象難忘，而且兩人本身亦好投契，所以自此以後，好多華仔嘅電影都會情商Deanie（葉嘅英文名）做佢媽媽（或者契媽）嘅角色，好似《法內情》電影系列，更加令到觀眾喊出眼淚，結下螢幕上嘅*情緣。 同樣係1982年，劉德華開始接拍電影，第一部作品係吳小雲執導嘅《彩雲曲》。 1983年，華仔受到無綫電視力捧，同梁朝偉、苗僑偉、黃日華以及湯鎮業等五個人組成咗「無綫五虎將」，成為灸手可熱嘅當紅小生之一。同一年，劉德華喺電視劇《神鵰俠侶》入面飾演楊過，角色深入民心家傳戶曉，令佢紅上加紅，塑造出未來巨星嘅雛形。 1985年，華仔以一曲《只知道此刻愛妳》初踏樂壇，可惜外界評價覺得佢嘅唱功一般，更認為佢有心模仿當時已喺歌壇紅人嘅哥哥張國榮嘅唱腔，所以銷量麻麻地；其後喺1987年推出嘅《情感的禁區》同埋1988年嘅《回到妳身邊》……等都只可以話好壞參半。 喺1986年，佢因為合約嘅問題而同無綫電視搞到好唔愉快，無綫冇再畀機會佢演出（行內叫做「擺入雪櫃」或者「雪藏」），好彩嗰陣遇到當時得令嘅大導演王晶提攜，於是毅然咁專心轉戰電影。 到咗1990年，華仔再推出佢嘅歌曲大碟《可不可以-誰說不可以》、《如果你是我的傳說》同埋《再會了》……等幾隻專輯，唱腔更見成熟，同埋有開始有個人風格，於是華仔嘅歌開始受到大眾嘅關注，喺更多人認識同認同底下，華仔正式站穩歌壇。 到目前為止，劉德華已經拍過超過一百部電影，其中好多角色都為人津津樂道，好似《旺角卡門》同埋《天若有情》入面飾演嘅有情古惑仔，嗰種有情有義又浪漫不羈嘅形象曾經瘋魔過萬千嘅少女心靈；而後期少少嘅《烈火戰車》，亦都令到好多鐵騎一族感動，甚至唔識駕電單車嘅人都爭相去考電單車牌希望可以模仿一下，影響力到咗今時今日都仲繼續緊。 而喺歌壇方面，時至今日，大家對於華仔所唱嘅歌可以話係瑯瑯上口，當中仲為佢帶嚟唔少榮譽；喺多年嘅各大樂壇流行榜頒獎禮上面，華仔勇奪過幾個最受歡迎男歌手獎，佢嘅歌亦都佔過唔少嘅最受歡迎獎項。而佢所開嘅演唱會每次嘅銷售都十分理想，甚至講「爆棚」都不為過，可謂歌影兩棲嘅成功嘅典型。 [編輯] 藝壇精神嘅延續 咁多年嚟，劉德華對電影嘅貢獻可謂數之不盡，除咗為自己贏得多個電影獎項，包括電影金像獎最佳男主角、台灣金馬獎最佳男主角……之外，仲成立天幕電影制作有限公司，積極提携新一代嘅演藝人。一套叫做《給他們一個機會》嘅電影，劇中除咗有份主演嘅歌手藝人許志安係為人認識之外，其餘嘅演員都係新人，劇名語帶雙關，希望大家「給他們一個機會」；而由佢所監製嘅《製造》、《去年煙花特別多》……等嘅作品亦造就咗唔少新星嘅誕生，好似著名藝人李燦森就係被佢發掘出嚟嘅其中一人。 近年華仔更積極參與中港合作嘅大制作，2005年就同導演馮小剛合作，當上《天下無賊》嘅男主角。而佢2006年嘅作品就係由名導演張之亮執導嘅《墨攻》。 [編輯] 相關電影作品 年份 電影名稱 1982年 彩雲曲，投奔怒海 1983年 毀滅號地車，家在 1984年 停不了的愛 1985年 夏日福星，法外情 1986年 最佳福星，魔翡翠 1987年 英雄好漢，肝膽相照，江湖情 1988年 精裝追女仔之２，最佳損友，中國最後一個太監，法內情，旺角卡門，獵鷹計劃，神探父子兵，龍之家族，群龍奪寶，最佳損友闖情關 19年 同根生，人海孤鴻，小小小*（客串），至尊無上，法內情大結局，省港旗兵第三集，神行太保，專釣大鱷，第一繭，最佳男朋友，轟天龍虎會，傲氣雄鷹，賭神，愛人同志，精裝追女仔之３之狼之一族 1990年 富貴兵團，川島芳子，天若有情，再戰江湖，至尊計狀元才，獄中龍，摩登如來神掌，賭俠，阿飛正傳 1991年 整蠱專家，中環英雄，驚天12小時，五虎將之決裂，至尊無上２之永霸天下，極道追蹤，衝擊天子門生，五億探長雷洛傳之雷老虎，五億探長雷洛傳２之父子情仇，豪門夜宴（客串），九一神鵰俠侶，與龍共舞 1992年 賭城大亨之新哥傳奇，嘩！英雄，機BOY小子之真假威龍，龍騰四海，反斗馬騮，九二神鵰之痴心情長劍，俠聖，絕代雙驕，廟街十二少，賭城大亨２之至尊無敵，戰神傳說 1993年 超級學校霸王，天長地久，至尊三十六計之偷天換日 1994年 醉拳２（客串），天與地，殺手的童話，刀劍笑 1995年 大冒險家，烈火戰車 1996年 奇異旅程之真心愛生命，天若有情３之烽火佳人，新上海灘，1/2次同床 1997年 天地雄心，製造（監製），黑金 1998年 龍在江湖，賭俠1999 1999年 去年煙花特別多（監製），愛情夢幻號，黑馬王子，賭俠大戰拉斯維加斯，暗戰，龍在邊緣 2000年 決戰紫禁之巔，孤男寡女，阿虎 2001年 瘦身男女，全職殺手，愛君如夢 2002年 嚦咕嚦咕新年財，衛斯理之藍血人，無間道，金雞（客串） 2003年 老鼠愛上貓，大隻佬，無間道３之終極無間，金雞２（客串） 2004年 魔幻廚房，江湖（出品人），菠蘿油王子（配音），龍鳳鬥 2005年 天下無賊，童夢奇緣，再說一次我愛你 2006年 得閒飲茶（出品及客串），墨攻
